Աշխատավայր ընտրելիս մասնագետները դիտարկում են ընկերության հեղինակությունը, զարգացման հնարավորությունները, աշխատանքային մշակույթն ու աշխատակիցների փորձը։ Գործատուների համար կարևոր է հասկանալ՝ ինչպես են իրենց ընկալում մասնագետները և ինչն է նրանց դրդում դիտարկել ընկերությունում աշխատելու հնարավորությունը:
Այս հարցերի պատասխանները գտնելու համար Սիվիտտան Հայաստանում առաջին անգամ իրականացրել է գործատուի բրենդի լայնամասշտաբ ուսումնասիրություն՝ հիմնվելով Բալթյան երկրներում կուտակած փորձի վրա.
Ուսումնասիրությունն ամփոփում է ավելի քան 1,100 մասնագետի կարծիքը շուրջ 60 գործատուի վերաբերյալ։ Մենք ուսումնասիրել ենք՝ որ ընկերություններն են առավել հայտնի մասնագետներին, որտեղ կցանկանային աշխատել և ինչ հատկանիշների հետ են կապում տարբեր գործատուների:
Արդյունքները ցույց են տալիս, որ գործատուները կարող են առանձնանալ տարբեր ուժեղ կողմերով:
Այդ կողմերը ներկայացնելու համար ուսումնասիրության արդյունքների հիման վրա տասը անվանակարգերում առանձնացնում ենք տասը ընկերության:
Շնորհավորում ենք բոլոր հաղթող ընկերություններին։ Յուրաքանչյուր անվանակարգ արտացոլում է մասնագետների ընկալումներում բացահայտված՝ գործատուի առանձին ուժեղ կողմ:
Հետազոտության շրջանակը, սակայն, ավելի լայն է։ Այն բացահայտում է, թե ինչպես է գործատուի մասին տեղեկացվածությունը վերածվում հետաքրքրության, ինչն է նպաստում ընկերությունում աշխատելու ցանկությանը և որտեղ կան գործատուի բրենդն ամրապնդելու հնարավորություններ:
Այս արդյունքները գործատուներին օգնում են ավելի լավ հասկանալ իրենց դիրքը Հայաստանի աշխատաշուկայում և որոշել՝ ինչի վրա կենտրոնացնել տաղանդների ներգրավման ջանքերը:
