Client
European Bank for Reconstruction and Development (EBRD)EBRD-მ, ცენტრალურ აზიასა და ევროპას შორის შუა დერეფნის (Middle Corridor) განვითარების მხარდაჭერის ფარგლებში, საქართველოსა და აზერბაიჯანს შორის კონტრეილერის (Rolling Road – „Ro-La“) მომსახურების დანერგვის შესაძლებლობის კვლევა დააფინანსა.
აღნიშნული კვლევა საქართველოს ეკონომიკისა და მდგრადი განვითარების სამინისტროსა და აზერბაიჯანის ციფრული განვითარებისა და ტრანსპორტის სამინისტროს ინიციატივით განხორციელდა და მიზნად ისახავდა მომსახურების დანერგვის ეკონომიკური და ფინანსური შესაძლებლობის შეფასებას.
ამასთან, კვლევა აფასებდა, რამდენად შეუწყობდა ხელს საქალაქთაშორისო სატვირთო გადაზიდვების ნაწილის საავტომობილო ტრანსპორტიდან რკინიგზაზე გადატანა რეგიონული ლოგისტიკის ეფექტიანობის, მდგრადობისა და კონკურენტუნარიანობის ზრდას.
საქართველო და აზერბაიჯანი სწრაფად განვითარებადი შუა დერეფნის მნიშვნელოვან ნაწილს წარმოადგენენ. მიუხედავად ამისა, ორ ქვეყანას შორის სატვირთო გადაზიდვები ძირითადად საავტომობილო ტრანსპორტზეა დამოკიდებული. დერეფნის მიმზიდველობის გასაზრდელად და ტვირთების საავტომობილო ტრანსპორტიდან რკინიგზაზე გადატანის ხელშესაწყობად, ორივე ქვეყნის მთავრობა განიხილავდა კონტრეილერის მომსახურების დანერგვის შესაძლებლობას.
კვლევის მიზანი იყო ყველაზე ეფექტიანი მარშრუტების განსაზღვრა, ბაზრის მოთხოვნის შეფასება, ტერმინალებისათვის ოპტიმალური ადგილმდებარეობის შერჩევა, საჭირო ინვესტიციების განსაზღვრა და პროექტის განხორციელებისთვის აუცილებელი სამართლებრივი და მარეგულირებელი პირობების ანალიზი.
Civitta-მ, Railistics-თან პარტნიორობით, განახორციელა ყოვლისმომცველი შესაძლებლობის კვლევა, რომელიც ფარავდა საქართველოსა და აზერბაიჯანს შორის კონტრეილერის მომსახურების დანერგვისათვის საჭირო ტექნიკურ, კომერციულ და ინსტიტუციურ შეფასებას. დავალება მოიცავდა შვიდ ძირითად ტექნიკურ მიმართულებას:
პროექტის განმავლობაში გუნდი მჭიდროდ თანამშრომლობდა EBRD-სთან, ეკონომიკისა და ტრანსპორტის სამინისტროებთან, „საქართველოს რკინიგზასთან“, „აზერბაიჯანის რკინიგზასთან“, ლოგისტიკურ ოპერატორებთან და სხვა საჯარო და კერძო სექტორის წარმომადგენლებთან, რათა რეკომენდაციები შესაბამისობაში ყოფილიყო ოპერაციულ რეალობასა და სამომავლო სატრანსპორტო საჭიროებებთან.
კვლევამ საქართველოსა და აზერბაიჯანში საპილოტე კონტრეილერის ტერმინალებისათვის ყველაზე შესაფერისი ადგილები განსაზღვრა და აჩვენა, რომ შემოთავაზებული ოპერირების მოდელი გაზრდიდა სატრანსპორტო სისტემის ეფექტიანობას და უზრუნველყოფდა მნიშვნელოვან ეკონომიკურ, გარემოსდაცვით და სოციალურ სარგებელს.
