Client
Global Airlines
Global Airlines-ը շքեղ ավիաընկերություն է, որը հիմնադրվել է 2021 թվականին՝ գործող ավիաընկերության ձեռքբերումից հետո։
Ունենալով բարձրակարգ ճամփորդական փորձառություն մատուցելու հավակնոտ ծրագրեր՝ ընկերությանն անհրաժեշտ էր սեղմ ժամկետներում ստեղծել հուսալի թվային ենթակառուցվածք՝ տոմսերի վաճառքը, թռիչքների կառավարումը և հաճախորդների սպասարկումն ապահովելու համար։
Ձեռքբերումից հետո Global Airlines-ն արագորեն գիտակցեց, որ պատրաստ չէ գործարկմանը: Ընկերությունը չուներ ամրագրումների հարթակ, ինչը հնարավորություն չէր տալիս ուղևորներին տոմսեր գնել, ինչպես նաև բացակայում էր թռիչքները, սակագները և լրացուցիչ ծառայությունները կառավարելու ներքին համակարգը:
Առաջին պլանավորված թռիչքին մնացել էր ընդամենը չորս ամիս, և ավիաընկերությունը կանգնած էր օրհասական վերջնաժամկետի առջև. անհրաժեշտ էր նախագծել, կառուցել և ներդնել լիարժեք գործող թվային համակարգ, որը կհամապատասխաներ ընկերության բարձրակարգ չափանիշներին և գործառնական պահանջներին:
HackTech-ի տեխնիկական թիմը (2025 թ. սեպտեմբերից՝ Civitta խմբի անդամ), սերտորեն համագործակցեց Global Airlines-ի հետ՝ սեղմ վերջնաժամկետներում համապարփակ թվային հիմք ստեղծելու նպատակով: Մեր մոտեցումը կենտրոնացած էր երկու հիմնական ուղղությունների վրա՝ ուղևորների համար նախատեսված ամրագրումների արտաքին հարթակ և ավիաընկերության գործառնությունների կառավարման ներքին համակարգ: Թիմը նախագծեց ժամանակակից և հարմարավետ ամրագրման կայք, որը թույլ էր տալիս հաճախորդներին որոնել թռիչքներ, ընտրել սակագները, ավելացնել լրացուցիչ ծառայություններ և անխափան կերպով կատարել վճարումները:
Հարթակը լիովին ադապտիվ էր (responsive)՝ ապահովելով հետևողական փորձառություն բջջային և համակարգչային հարթակներում: Միաժամանակ մշակվել է ներքին կառավարման համակարգ՝ թռիչքների ստեղծման, գնագոյացման, հարկերի և ուղևորների կառավարման համար: Paysafe վճարային համակարգի ինտեգրումը երաշխավորեց հաճախորդների գործարքների անվտանգությունն ու հուսալիությունը: Ողջ գործընթացում HackTech-ի թիմը պահպանեց հավասարակշռությունը արագ իրականացման և համակարգի կայունության միջև՝ հնարավորություն տալիս ավիաընկերությանը տեղավորվել գործարկման խիստ սեղմ ժամկետներում:
Չորս ամսվա ընթացքում Global Airlines-ը հաջողությամբ գործարկեց իր ամրագրման և կառավարման համակարգերը՝ առաջին անգամ ուղևորներին հնարավորություն տալով տոմսեր ամրագրել առցանց: Միասնական ներքին հարթակը թույլ տվեց ավիաընկերությանը արդյունավետորեն կառավարել բոլոր գործառնությունները՝ գնագոյացումից և թռիչքներից մինչև հաճախորդների սպասարկում՝ համապատասխանելով թե՛ տեխնիկական պահանջներին, թե՛ բարձրակարգ սպասարկման չափանիշներին:
Արագ մշակումն ու ներդրումը երաշխավորեցին ավիաընկերության մեկնարկը պլանավորված ժամկետներում՝ ապահովելով անխափան թվային փորձառություն հաճախորդների համար և ստեղծելով մասշտաբավորվող հիմք հետագա աճի համար:
